【大數據x天氣】MET WARN加入網友自設氣象站實時數據

成日覺得條街熱過天氣報告嘅氣溫,或者懷疑點解水浸都係黃雨?🤔其實,天氣的確可以喺好細嘅範圍變化好大。天文台之前喺油尖旺鬧市唔同地方設置大量溫度計,發現同一時間喺彌敦道,重慶大廈附近錄得33.5度,但海防道附近錄得37度,幾條街相差足足超過3度!

天氣同生活悉悉相關,夏天我哋會視乎幾熱而決定開唔開冷氣,春天就會睇住有幾濕而開抽濕機。為咗更加準確知道屋企附近嘅天氣變化,有啲網友自己買咗套自動氣象站返屋企,再同其他人分享實時數據!MET WARN嘅網站最新加入兩個由網友分別安裝喺元朗同西營盤嘅數據,大家不妨比較下同官方氣象站嘅數據有咩分別😉

自設氣象站並唔算係新鮮事。喺歐美等地人口密低較低,每個人嘅居住環境可能都同官方天氣觀測站嘅環境好唔同。安裝咗自己嘅氣象站之後,儀器更加可以自動分析錄到嘅數據,提醒你未來嘅天氣變化!網站wunderground嘅數據分享平台已經有超過25萬個自設氣象站嘅數據,呢啲數據亦都對研究微氣候有一定幫助。

如果你亦都有自設氣象站,而且想同大家分享天氣數據嘅話,歡迎同我哋聯絡,加強民間天氣監測!

元朗自設氣象站數據:
https://www.metwarn.com/paws/yuenlong/yuenlong.html

西營盤自設氣象站數據:

https://www.metwarn.com/paws/saiyingpun/saiyingpun.html

#氣象新聞