弱肉強食的世界 天鵝艾莎尼廝殺戰
上個禮拜數值預報預測艾莎尼增強做超強颱風，而天鵝就維持較弱強度。但係現實中結果完全相反，天鵝發展到可以同歷史上最強颱風相提並論之列，到底係咩原因驅使天鵝爆發性增強？係愛定責任啊？
實際上，天鵝發展初期有副熱帶高壓脊支援，有足夠低層輻合，高空流出同垂直風切變都配合到發展。而且天鵝細細隻，強度比較容易有變化，增強快減弱亦快，所以天鵝登陸菲律賓前爆發性增強到五級超級颱風，但係一登陸菲律賓就迅速減弱做熱帶風暴，可以話係成也細隻、敗也細隻。
另一邊廂，由於天鵝發展明顯比數值預報強，同時副熱帶高壓脊強度亦反覆，艾莎尼就慘慘豬喇，比天鵝外圍下沉氣流同缺乏穩定副高東風輻合兩大因素影響，過去兩三日強度都無乜起色，直到天鵝登陸菲律賓之後先展開復仇戰，將天鵝水氣搶過黎自用。
艾莎尼：比條生路嚟行下啦，就嚟頂唔順
天鵝：睬你都傻
艾莎尼：#^@%@#%@# (設計對白)
自從尋晚天鵝登陸之後，艾莎尼一直無放過報仇機會，趁天鵝登陸完變成老弱殘兵搶曬佢水氣過去。
天鵝：放我一馬啦
艾莎尼：當初你點對我，而家你自作自受，本來風王應該係我，想我放過你都幾難! (設計對白)